FASHION And INTERIOR DESIGN..AR

43021704 10216673856301359 4421519838816501760 O
FASHION & INTERIOR DESIGN
الموضة والديكور

في هاد البوست بدي احكي عن موضوع انا شخصيا كتير بشدني وبلاحظو كتير الي هو التقاطع بين الموضة والديكور وكيف الجهتين بيتأثروا بنفس الاتجاهات ونفس الالوان والتريندات والمؤثرات والتشابه بينهم كبير جدا.
انا مش احسن وحدة ممكن تحكي عن الفاشن بس انا نوعا ما عندي اطلاع بسيط .
كل المكتوب في البوست من ملاحظاتي الخاصة الي هو مش اشي جديد كتير شافوها ودرسوها بس انا حبيت اجمع بعض منها .
مدة القراءة : 10 دقائق – 13 دقيقة

43090962 10216673852221257 1113236693986574336 N
43090962 10216673852221257 1113236693986574336 N

الاشكال الهندسية البسيطة والفريمات الرفيعة :
الفريمات المعدنية الرفيعة الي بتشكل هياكل لاشكال بسيطة جدا ،لاحظت وجودها في عناصر ديكور،متل : المرايا ووحدات الاضاءة و اطارات البراويز . التشابه بينها وبين تريندات جديدة مينيمال بالاكسسوارات لا يصدق لدرجة انو بعض الصور ما كنت أميز هل هاي وحدة اضاءة ولا حلق earings !

43222179 10216673848621167 6124779413142765568 O
43222179 10216673848621167 6124779413142765568 O
FRINGES
الأهداب بالفصحى والشراشيب بالعامية
وطبعا هي مختلفة عن الشراشيب في الستايل البوهيمي ، لانها مستوحاة من موضة العشرينات ، الي كانت ايقونات الموضة ايامها يلبسو فساتين كاملة من الاهداب مع Headpiece الي طالع منها ريشةهلأ رجع الموضوع في الاكسسوريز ، متل الحلق وبعض الديكورات على حد سواء وبنفس الطريقة . الي بخلينا نفرقهم شوي عن الستايل البوهيمي هو دقة الخيوط وفي الغالب تداخل الدهبي معهم الي بضيف
glamour اكبر للقطع
43207491 10216673848101154 523846432264814592 O
43207491 10216673848101154 523846432264814592 O
النقوش PRINTS
MAJOLICA
رح احكي عن بعض النقوش الي مستوحاة من حضارات وتراث من اماكن مختلفة من العالم
ورح ابدا في نقشات السيراميك والفخار الايطالي majolica
الصور الموجودة مستوحاة تحديدا من السيراميك الموجود في جزر ايطاليا الجنوبية (اللي فيه لون اصفر ونقشات نباتية )
والتاني الازرق والابيض اعتقد ان اصلو برتغالي واسباني
دولتشي اند غابانا هم الي رجعوا النقشة هاي للموضة في مجموعة صيف ربيع 2017 وحتى انو العرض الاسطوري كان في جزيرة كابري الايطالية الي كانت ولا تزال تستعمل في تغطية الواجهات الداخلية والخارجية، كتير حلو كيف نشوف تأثر دور ازياء كبيرة بالتراث المعماري للشعوب وكيف ارتباط العمارة بصريا بالتراث والهوية .
نقشات السيراميك الاسباني الابيض والازرق لاحظنا وجودها في الديكور قبل 2017 بشكل كبير في الارضيات وفي المطابخ وفي الكافيهات

43223454 10216673849341185 4136424037171593216 O
43223454 10216673849341185 4136424037171593216 O

AZTEC PRINT
الازتيك هم شعوب امريكا الجنوبية الاصليين والتحديد في منطقة وادي المكسيك قبل الغزو الاسباني
النقوش هاي صرلها فترة بصراحة ومش جديدة بديت اشوفها والاحظ انتشارها في 2013 في اللبس ، لاحظت انها موجودة في السكارفات الليجنز والكارديانز ولاحظت انها بتليق على الشباب والبنات
اما في الانتيرير، فأنا بحبها جدا ولاحظت وجودها في السجاجيد والبسط وفي المخدات وبرينتات للصوفات والكراسي ك statement وفي بعض الدواليب كنقش عالخشب سواء حفر او طباعة
الوانها في الديكور مختلفة شوي عن اللبس، في اللبس ممكن تكون ملونة اكتر ،
اما في الديكور لاحظت درجات البنيات او لون واحد مع نقش ابيض ولكن المفضل عندي هو الابيض والاسود مع الوان الخشب الدافية

43168411 10216673843901049 5246650113702494208 O
43168411 10216673843901049 5246650113702494208 O

GREEN PRINTS
النقشات النباتية لاحظنا وجودها بشكل كبير جدا على السواء في الديكور والموضة
وانا رح اقسمها لتلت اقسام عشان نفهمها
اول شي الظاهر بالصورة نقشتين مهمين جدا هم ورق شجر الموز والنخيل PALM AND BANANA LEAF
لاحظنا وجودها في الديكور في الاقمشة سواء مخدات او كنب او ورق جدران او حتى صور بتتعلق عالحيطان . موضة لطيفة شبابية وخفيفة

43079527 10216673850661218 950789004943425536 O
43079527 10216673850661218 950789004943425536 O
الصبار CACTUS
كتير شفتو هاي السنة استعمال النبتة نفسها في الديكور وباحجام مختلفة وانواع كتيرة سواء كانت طبيعية صغيرة او صناعية كبيرة ، التنتين موضة كتير ، او حتى في ورق الجدران ونقشات للقماش
43192175 10216673845821097 8666905057393901568 O
43192175 10216673845821097 8666905057393901568 O
MIDNIGHT GARDEN
ممكن نوصفها ك micro trend
الورود والزهور موضتها كتير مكتسحة ومن فترة عبت الاسواق كل الملابس صارت ورد ورد .
لكن لو الالوان الزاهية الفرحة والربيعية مش على مزاجك ولا شخصيتك يمكن يعجبك هاد التريند
mid night garden بالاساس طلع كتريند للتصوير والافلام القصيرة والفاشن فوتوغرافي الي مطلوب منو مود غامض شوي وكأنو اظهار الجانب الاخر من الاشياء الرقيقة لجانب مظلم زي ما بقولو
من وصف مواقع ال textile المشهورة :
فهاي النقشة هي عبارة عن ورود جورية وبيونيز (الفاوانيا) مبالغ في حجمها موزعة بشكل فوضوي مع اظهار اثر الضوء والظل عليها بخلفية سوداء عادة والوان مشبعة بدرجات الاحجار الكريمة الغنية والورود المخملية من النبيذي لدرجات الازرق العميقة درجات بتزكرني باللوحات الكلاسيكية الزيتية
دولتشي اند غابانا استعملت هاد النوع من البرنت الي بتحسو شوي فيه غموض في الموسم اللي مرق والي كانت سفيرة المجموعة هي الليدي كيتي سبينسر الي شفناها لابسة من المجموعة في عدة مناسبات ملكية
يمكن اكتر حد وصف البرينت واستعملها بالخلفية الغامقة شوي هو اليكساندر ماكوين في مجموعة Midnight garden صيف ربيع 2016
نفس الورود الكبيرة شفتها صارت تريندي حاليا كورق جدران هاي الموضة قائمة على المبالغة واي قطع تانية في المكان لازم تكون بسيطة جدا لان هاي النقشة حضورها قوي وطاغي شفتها مستعملة بمساحات صغيرة زي الحمامات وفي قطع كراسي او كنبة وحدة في الصالة ك statement piece
43092157 10216673855021327 5388711491367075840 O
43092157 10216673855021327 5388711491367075840 O

POP ART
هي حركة فنية طلعت في بريطانيا وامريكا في الخمسينات، وكان هدفها مزج الثقافة الشعبية الحديثة والحياة اليومية في الفنون متل: الكوميكس، ووجوه المشاهير واشهرهم مارلين مونرو و اودري هيبورن ، والاعلانات
يمكن شفنا هاي البوسترات الي بتشبه الكوميكس كتير بس يمكن مش كلنا منعرف اسم الفنان الي رسمها الي هو
Roy Lichtenstein
رجعت اشوفها في بعض القطع في الموضة ، ويمكن اكترها انتشارا في الشنط ،اما في الديكور صارت تستعمل كصيحة جديدة في الكراسي بشكل اكبر من غيرها ك برينت كبير وجداريات وبوسترات
حتى في العالم العربي صرنا نشوف استعمال وجوه مشاهير متل ام كلثوم و عبد الحليم في الوان فاقعة كقطع فنية في البيوت والكافيهات

43232197 10216673854821322 1808924239483371520 O
43232197 10216673854821322 1808924239483371520 O

MARBLE الرخام
وخاصة الابيض بعروق رمادية وسوداء شفناه في كافة انواع الاكسسوارات سواء في الموضة واللبس و الموبايلات والساعات والشنط والمجوهرات والفناجين او حتى على الجدران بشكل كامل في شكل
open book

43056132 10216673850261208 6064271419955478528 O
43056132 10216673850261208 6064271419955478528 O

الحركات الفنية والمعمارية :

ART DECO

الارت ديكو هي حركة في الفنون والعمارة بدأت في فرنسا في العشرينات وانتشرت في اوروبا وامريكا حتى الثلاثينات . الهدف منها بشكل عام كان انتاج منتوجات بتعكس الثراء والرفاهية والفخامة بشكل غير تقليدي
اما اهم مميزاتها فهي البساطة والاشكال البسيطة النظيفة والزخارف والنقوش الي مش كتير منتشرة ومعروفة من مواد عادة بتكون غالية سواء من الطبيعة متل : العقيق والعاج والفضة والصخور الكريستالية والزجاج البركاني
او اللي صنعها الانسان متل انواع فاخرة من الزجاج والبلاستيك
كان من النادر تكرار القطع وانتاج نفس القطعة بكمية كبيرة في هاد الستايل لأن الهدف هو الرفاهية والتميز
اما من شو استوحى هاد الستايل ، استوحى من ثقافات متنوعة وكتيرة متل الفرعونية والهنود الحمر والحقبات الكلاسيكية الاولى والطبيعة الي استوحو منها اشكال الزخارف وهي جسم الانثى واشعة الشمس واوراق الشجر
مجالات تصميم مختلفة اعتمد فيها ستايل الارت ديكو ، عدد من مؤسسين الحركة كانوا مصممين مجوهرات ومعماريين ومصممين اثاث ومصممين ازياء .
اشهر البنايات على هاد النمط هو chrysler building نيويورك

بعد الحرب العالمية بسبب الظروف الاقتصادية اختفت الحركة تقريبا ورجعت مرة تانية في الستينات ومرة تانية هلأ صرنا نلاحظ عودة للستايل في نقوش الابواب وورق الجدران وقطع الاثاث ونقوش الاقمشة بالاضافة للمجوهرات والازياء

43076096 10216673844101054 3117992879318892544 O
43076096 10216673844101054 3117992879318892544 O
Minimalism
هو مش بس حركة فنية ومعمارية . هو اسلوب حياة بعد انشغال الناس بالاستهلاك والتكديس وصاروا عبيد للحياة الاستهلاكية اجا هاد الاتجاه ليحررهم الخلاصة هو انك تقتني اقل عدد ممكن من الاشياء وتستغني عن الكماليات وتلبس اقل عدد ممكن من القطع يعني تحاول تجيب قطع بيسك عشان تلبسها على اكتر من اشي
بالعمارة الموضوع اعقد شوي وانا بصراحة مش حابة افوت فيه هلأ بس ممكن اقول بشكل عام ان المينيماليزم هي عبارةالبساطة وربط المسطحات النضيفة البسيطة ببعض التركيز على الفراغ نفسو والهوا والضوء انك تحس باحساس الحرية وباستعمال المواد بطبيعتها بدون تجميل زي ما هي زي الكونكريت
في الانتيرير ديزاين هو عكس الازدحام وعكس التكديس الي ممكن يعمل توتر للانسان
لكن لاحظت انو المصطلح هاد صار يستعمل بضد ما يدل عليه بالاساس يعني صار ستايل للديكور والموضة بشكل تجاري ويمكن افتقد شو بدل عليه المصطلح في الصميم يعني المينيماليزم ما فيها كلمة اكسسوار او اي شي كمالي وهاد تماما عكس لب الديكور والموضة !
بالمختصر الي شفتو في الموضة والديكور بالمصطلح بشكل تجاري هو البساطة
والاشكال الهندسية البسيطة الوان النيوترال باليتس من البيجات والرماديات والابيضات كألوان رئيسية يعني حتى الابيض ممكن يكون مائل للاصفر ويعطينا لون كريمي او مائل للزرقة ونروح على درجات الرماديات الباردة او الرمادي الممزوج بالبيبج و تقريبا ما في نقوش الا بأبسط اشكاله
43087117 10216673851101229 6105221369027362816 O
43087117 10216673851101229 6105221369027362816 O

MIDCENTURY STYLE
العودة لفترات متألقة في القرن الماضي يبدو سمة السنوات هاي . كأنوا الناس عندهم حنين لفترات الزهو والرخاء الاقتصادي الي كانت تعكسها فترات معينة في القرن العشرين ومثال عليها رح نحكي عن السبعينات
70S VIBES
السبعينات عم نلاحظ رجوعها بقوة في اللبس والديكور وخاصة بالستايل البوهيمي الي لازم اخصصلو موضوع كامل بعدين

بالنسبة للموضة اكتر شي منلاحظو هو بنطلونات الشارلستون الي رجلها عريضة والشراشيب والالوان بس طبعا بما اني مش احسن وحدة ممكن تحكي عالفاشن رح احكي عالديكور بشكل مخصص اكتر (الصور 1 و 2 )

كتير اشياء و ITEMS
موجودة بحياتنا ورجعت موضة بالديكور واحنا يمكن جيلنا ما بيعرف انها اخترعت بالسبعينات وكانت تريندي ايامها

متل بالصورة نشوف تيبل لامب (أبجورة) البومة كانت مشهورة بالسبعينات وخاصة باللون الزيتي او لون الافوكادو الي كان مشهور بالمطابخ كتير (الصورة 3)

التلاجة الي طرافها مدورة صار بعض الناس يستعملوها كقطعة statement بالمطبخ بألوان زاهية (احمر اصفر او درجات الباستيل ) ومن الجدير بالذكر انو ايامها كانوا يحطوها بالصالة ! (الصورة 4)

الباص الشهير vw شفناه حاضر ببعض كافيهات واعادة استعمالو ك bar يمكن هاد من القطع المفضلة عندي والتصميمات المميزة الصورة (5 و 6)

كمان شغلة دايما بشوفها بالكافيهات الي فيها ال 70vibes هي ماكينة اسبريسو اسمها la marzocco شفتها بألوان كتير من درجات الباستيل للاصفر والاحمر الفاقع يبدو انها كانت اصدار فينتيج من الشركة ولسا مستعمل حاليا (الصورة 7)

الخيزران: كان ايامها يعملو منو حتى تخت (سرير) واشياء كتيرة واشهرها كرسي الطاووس peacock chair الي رجعت اشوفو ببعض برامج ومجلات عالمية معنية بالديكور من اهم قطع ال mid century style الصور (8 و 9 )

بالاضافة انو صرنا نشوف ديكورات مستوحية من هيكل الخيزران بس بألوان وفينيش جديد (الصورة 10)

طبعا الوان درجات البني وخاصة المحمرة متل درجة التيراكوتا الي حكينا عنها في بوست الالوان الدارجة سابقا بالاضافة للون الاصفر الخردلي mustard او الكموني (الصور 11 و 10)

الصنارة في الديكور من اهم قطع البوهيميان ستايل سواء كقطعة على الجدار او كحامل لقواوير الزريعة كتير حلو خاصة في الجلسات الخارجية واسمها بالانكليزي makrama للي حابب يعمل سيرتش (الصور 13 و 12 )

43239403 10216673843701044 2189094828761939968 O
43239403 10216673843701044 2189094828761939968 O
الالوان :
DUSKY SHADES
حكيت عنهم قبل هيك في بوست ال 2018 TRENDS
وخاصة درجتين ROSE QUARTZ الوردي وSERENITY الازرق الباهتلينك بوست الالوان الدارجة لعام 2018 : https://www.facebook.com/ulfat.atak/posts/10215525943124247
43080697 10216673847621142 8029631678462820352 O
43080697 10216673847621142 8029631678462820352 O
ROSE GOLD
اخر سنتين اكتسح هاد المعدن مجالات الموضة والديكور في المكياج في الشعر في اللبس في المجوهرات والساعات وكمان في الديكور مش عارفة ازا رح يستمر ولا لأ بس انا بتمنى يستمر لأني كتير حبيتو وخاصة مع الرخام
43156139 10216673854501314 638946268692873216 O
43156139 10216673854501314 638946268692873216 O
TEAL
بصراحة مش عارفة الاسم بالعربي بس هو اغمق درجات الفيروزي او الازرق المائل للاخضر
الاسم مشتق من نوع بط نهري اسمو Eurasian teal
هاد اللون من اهم الوان سنة 2019 . وهو مش لون جديد تقريبا كل عشر سنين بيرجع للموضة وكنا نشوفو من قبل مطقم مع اللون البني بسبب التضاد بينهم بعجلة الالوان وفي الحرارة
اما بالنسبة لدلالات اللون فهو بيعكس الثقة والمسؤولية والدعم والتقدم الروحاني والقرب من الطبيعة لانو لون الغابات
اما من ملاحظتي الخاصة فشايفة انو اللون بيستوعب مواد كتيرة وبيطلع حلو بلمعة الساتان والمخمل وفي الشفافية بالزجاج وحتى حلو كخلفية على جدار مدهون بالكامل وبيبرز الوان الدهبي والمعادن الحارة وبيعطي احساس بالفخامة
43069818 10216673855661343 7670786203104313344 O
43069818 10216673855661343 7670786203104313344 O

COLOR BLOCKING
تضاد الالوان شفناه في اللبس في سنة 2007 وشكلو لسا مستمر في الموضة مع اني مش من عشاقو .
هو قائم على التضاد في الالوان واستعمال عدة باليتات ( 2 او 3 )
اما في الديكور زي ما الصور موضحة الوان متضادة بعجلة الالوان وفي حرارتها

43135820 10216673846101104 6499894559625969664 O
43135820 10216673846101104 6499894559625969664 O

TONE ON TONE
حكينا قبل عن هاد الموضوع في بوست التريندز
الرابط : https://www.facebook.com/ulfat.atak/posts/10214876563690167
هو استعمال لون واحد بدرجات مختلفة في اللبس من فوق لتحت
وفي LAYERS الديكور
يعني الحيطة والفريم الي عليها والكنبة الي قدامها والاكسسوريز كلها بنفس الدرجات

43021704 10216673856301359 4421519838816501760 O
43021704 10216673856301359 4421519838816501760 O

COCO CHANEL
ما بقدر احكي عن ارتباط الديكور بالموضة وما احكي عن كيف انو براندات مشهورة وعالمية باللبس تركت انطباع قوي للناس لدرجة صارو يستوحوا منها مود للديكور . في براندات كتير صارت تنتج خطوط للاثاث كمان متل فيندي وغيرها
بس انا اليوم بدي احكي عن ابرزها واكترها انتشارا ووضوحا وهي ماركة شانيل
مش رح احكي عن تاريخ البراند بس الاحساس تبعها ممكن نقلو للديكور باللون الاسود والابيض وتحديد الاسود بفريم ابيض والعكس او استعمال ستريبات من اللونين والتطقيم مع اللون الدهبي
بالاضافة انو كتير شفنا براويز وفريمات بس بكون مكتوب عليها كلمة شانيل او كتب لطاولة الوسط مكتوب عليها مع شعار البراند بتضيف لمسة رقي للمكان وطبعا الورود الي لونها ابيض
بعض الصور من شغل المصممة سندس السيد اللي ابدعت في تجسيد البراندات في الموضة للانتيرير ديزاين وهاد رابط المشروع : https://www.behance.net/gallery/36002599/Coco-pearls

43188960 10216673847261133 8710132846666186752 O
43188960 10216673847261133 8710132846666186752 O
10
The latest decor trends of 2018
The latest decor ...
   1.7K68 0
The latest decor trends of 2018
The latest decor ...
   1.1K70 0

Leave a Reply